अमेरिकेच्या सेकंड लेडीचं भारताशी कनेक्शन काय ?
डोनाल्ड ट्रम्प शपथविधी दरम्यान गुगलवर उषा वेन्सचे चर्चेचा हॉट टॉपिक – सेकंड लेडीचा भारताशी संबंध काय?
डोनाल्ड ट्रम्प यांनी 2025 मध्ये अमेरिकेचे 47वे राष्ट्राध्यक्ष म्हणून शपथ घेतली, मात्र त्यांच्या दुसऱ्या टर्मच्या शपथविधी दरम्यान एक वेगळीच गोष्ट घडली. गुगलवर ट्रम्प यांचे नाव शोधले गेले नाही, तर अमेरिकेचे उपराष्ट्रपती जेडी वेन्स यांच्या पत्नी उषा चिलुकूरी वेन्स यांच्या नावावर सर्वाधिक सर्च झाले. विशेषत: उषा यांच्या धर्मावर होणारी चर्चा सर्वात अधिक ट्रेंड झाली.
उषा वेन्स यांनी अमेरिकेच्या इतिहासात एक महत्त्वपूर्ण स्थान प्राप्त केले आहे. त्यांना पहिल्या भारतीय-अमेरिकन सेकंड लेडी म्हणून ओळखले जात आहे, आणि ट्रम्प यांच्या शपथविधी दरम्यान त्यांच्या जीवनातील हा ऐतिहासिक क्षण भारतीय-अमेरिकन समुदायासाठी खूपच गर्वाचा ठरला.
उषा वेन्स – एक भारतीय कुटुंबाची प्रेरणादायी कथा:
उषा वेन्स यांचा जन्म 6 जानेवारी 1986 रोजी सॅन डिएगो, कॅलिफोर्निया येथे झाला. त्यांच्या कुटुंबाचे मूळ दक्षिण भारतातील विशाखापट्टणममध्ये आहे. उषाची आजी एक निवृत्त भौतिकशास्त्र प्राध्यापक असून, उषाचे वडील आयआयटी मद्रासमधून शिक्षण घेणारे मेकॅनिकल इंजिनिअर होते. तसेच, तिची आई आण्विक जीवशास्त्रज्ञ म्हणून काम करत होती. 1980 च्या दशकात उषाचे कुटुंब अमेरिकेत स्थायिक झाले.
शिक्षण आणि व्यावसायिक जीवन:
उषा यांचे प्रारंभिक शिक्षण माउंट कार्मेल हायस्कूलमध्ये झाले. त्यानंतर, येल युनिव्हर्सिटीमधून इतिहास विषयात अंडरग्रेजुएट पदवी घेऊन, उषा यांनी येल लॉ स्कूलमधून ज्युरीस डॉक्टर पदवी मिळवली. त्या येल लॉ जर्नलच्या कार्यकारी संपादक आणि येल जर्नल ऑफ लॉ अँड टेक्नॉलॉजीच्या व्यवस्थापकीय संपादक म्हणूनही काम करत होत्या.
2013 मध्ये येल लॉ स्कूलमध्ये असताना, उषा आणि जेडी वेन्स यांची भेट झाली, आणि या दाम्पत्याला तीन मुलं आहेत.
उषा वेन्स आणि धर्मावर चर्चेचा वाढता सिलसिला:
उपराष्ट्रपती जेडी वेन्स यांच्या शपथविधीनंतर उषा वेन्स यांनी एक ऐतिहासिक भूमिका घेतली. पण त्याच वेळी, उषा यांच्या धर्माबद्दल गुगल आणि सोशल मीडियावर मोठ्या प्रमाणावर चर्चा सुरू झाली. “उषा वेन्स धर्म” या सर्च वाक्याला प्रचंड लोकप्रियता मिळाली, आणि हा ट्रेंड विशेषतः अमेरिका, कॅनडा, दक्षिण आफ्रिका, यूके आणि भारतात अधिक होता.
