महाराष्ट्रात सत्तांतर झाल्यानंतर भाजपने आक्रमक भूमिका घेतलेली आहे. शिंदे सरकार राज्यात स्थापन झाल्यानंतर मंत्रीपद वाटपात भाजपने सगळी महत्त्वाची खाती आपल्याकडे मिळवलेली आहेत. त्यानंतर लगेचच भाजपने पक्षाच फेरबदल करून मुंबई महापालिके निवडणुकिसाठी आम्ही सज्ज आहोत असा इशारा देखील भाजपने दिला आहे. आता भाजपचे प्रमुख नेते आणि देशाचे गृहमंत्री अमित शाह मुंबईत येत आहेत.
ऐन महापालिका निवडणुकिच्या तोंडावर आणि शिवसेनेत उभी फूट पडल्यानंतर अमित शाह मुंबईत येत आहेत. ५ सप्टेंबरला अमित शाह यांचा मुंबई दौरा ठरलेला आहे. या भेटीत अमित शाह मुख्यमंत्री शिंदे आणि उपमुख्यमंत्री फडणवीस यांची भेट घेणार आहेत. दरम्यान अमित शाह यांचा हा दौरा औपचारिक असून अमित शाह लालबागच्या राजाच्या दर्शनासाठी येत आहेत असे सांगितले जाते आहे. खरंतर दरवर्षी न चुकता अमित शाह लालबागच्या राजाचे दर्शन घेत असतात. मात्र कोरानामुळे दोन वर्ष यात खंड पडला होता. यंदा मात्र गणेशोत्सव दणक्यात साजरा होतो आहे.
राज्यात मुंबई, ठाणे आणि पुणेसह १४ महापालिकांच्या निवडणुका येत आहेत. त्यामुळे अमित शाह या भेटीत शिंदे-फडणवीस यांच्यासोबत काय चर्चा करतात तसेच महापालिका निवडणुकिसाठी कोणती रणनीती भाजप आखतं आहे याची माहिती लवकरच आपल्या हाती येईल. दरम्यान भाजपचे राष्ट्रीय अध्यक्ष जे पी नड्डा १५ सप्टेंबर रोजी मुंबईत येत असून १५ आणि १६ सप्टेंबर असे दोन दिवस ते मुंबईत आहेत. या दरम्यान भाजप नेत्यांच्या भेटी नड्डा घेणार आहेत.