भाजप कार्यकारिणीच्या बैठकित उपमुख्यमंत्री देवेंद्र फडणवीस यांनी केलेल भाषण चांगलच गाजलं. यावेळी बोलताना फडणवीस यांनी मुख्यमंत्री शिंदे यांचे कौतुक करत विरोधकांवर तुफान फटकेबाजी केली. देवेंद्र फडणवीस म्हणाले, ‘मी एकनाथ शिंदे यांचं मनापासून अभिनंदन करतो. एक मर्द मराठा, छत्रपतींचा मावळा बाहेर पडला. त्यांनी जेव्हा निर्णय घेतला तेव्हा ठरलं नव्हतं सरकार येईल.कदाचीत असेही घडले असते की समजा एवढे लोक आले नसते तर त्यांचे राजकीय जीवन समाप्त झाले असते. त्यांनी कमावलेली पुण्याई एका क्षणात संपली असती पण याचा विचार त्यांनी केला नाही. असे बोलून फडणवीस यांनी एकनाथ शिंदे यांचे तोंडभरून कौतुक केले.
दरम्यान एकनाथ शिंदे यांच्या नावाची घोषणा आपण मुख्यमंत्री पदासाठी का केली याचे स्पष्टीकरण फडणवीस यांनी दिले. फडणवीस म्हणाले, शिंदे यांनी कायम बाळासाहेबांचे विचार पुढे नेले आहेत.त्यांच्या विचारांशीच फारकत घेतली जात असेल, ज्यांच्यासोबत आम्ही लढाया केल्या त्यांच्याच अधिपत्याखाली जर आम्हाला काम करावं लागंत असेल, त्यांच्याबद्दल स्वतः बाळासाहेब असं म्हणाले होते काँग्रेस-राष्ट्रवादीसोबत जाण्यापेक्षा माझ्या पक्षाचं दुकान मी बंद करेन. ज्यांनी बाळासाहेबांना अटक करण्याचा प्रयत्न केला, त्यांच्या सोबत जावं लागत असेल, स्वा. सावरकरांचा रोज अपमान होत असेल अशा परिस्थितीत जो बाळासाहेब ठाकरेंचा खरा शिवसैनिक होता, तो हे सहन करू शकत नव्हता.
फडणवीस म्हणाले, हे विचारांसाठी झालेले परिवर्तन आहे सत्तेसाठी नाही हे लक्षात ठेवायला हवं. महाराष्ट्राच्या हितासाठी हे आवश्यक होतं. जेव्हा मी शिंदे यांची मुख्यमंत्री म्हणून घोषणा केली तेव्हा अनेकांना आर्श्चय वाटलं हे सगळं अचानक घडलेलं नाही. तसेच महत्त्वाची गोष्ट म्हणजे भारतीय जनता पार्टी सत्तापिपासू नाही. आमची विचारांची लढाई आहे.शिवसेनेने आमच्याशी बेईमानीच केली. मात्र एकनाथ शिंदे हीच खरी शिवसेना आहे. पनवेल येथे भाजपची कार्यकारीणी बैठक झाली त्यात फडणवीस बोलत होते.