Dhananjay Munde यांचा अखेर राजीनामा – मुख्यमंत्र्यांकडे सुपूर्द! महाराष्ट्राच्या राजकारणात मोठी खळबळ!

राज्यातील राजकीय वर्तुळात मोठी उलथापालथ झाली असून अजित पवार गटातील प्रमुख नेते आणि मंत्री Dhananjay Munde यांनी अखेर मंत्रिपदाचा राजीनामा दिला आहे. मागील काही दिवसांपासून त्यांच्या राजीनाम्याची मागणी जोर धरत होती, आणि अखेर 82 दिवसांच्या तणावानंतर हा निर्णय घेण्यात आला आहे.

धनंजय मुंडे यांनी का दिला राजीनामा?

बीड जिल्ह्यातील केज तालुक्यातील मस्साजोग गावचे सरपंच संतोष देशमुख यांच्या हत्येनंतर विरोधकांनी सातत्याने धनंजय मुंडे यांच्या राजीनाम्याची मागणी केली होती. यावर काल रात्री ‘देवगिरी’ बंगल्यावर महत्त्वाची बैठक झाली. बैठकीत उपमुख्यमंत्री अजित पवार आणि धनंजय मुंडे यांच्यात सविस्तर चर्चा झाली. नंतर मुख्यमंत्री देवेंद्र फडणवीस देखील बैठकीला उपस्थित राहिले आणि त्यांनी स्पष्ट शब्दांत मुंडेंना राजीनामा देण्याचे निर्देश दिले.

याच निर्देशानुसार धनंजय मुंडे यांनी आपल्या पीएच्या माध्यमातून ‘सागर’ बंगल्यावर जाऊन मुख्यमंत्री फडणवीस यांच्याकडे आपल्या राजीनाम्याची प्रत सुपूर्द केली.

मंत्रिपदावर पुढे कोण? महाराष्ट्राच्या राजकारणाला मोठा धक्का!

धनंजय मुंडे यांच्या राजीनाम्यानंतर राजकीय चर्चांना उधाण आले आहे. त्यांच्या जागी नवा मंत्री कोण होणार? धनंजय मुंडेंना पक्षात नवीन जबाबदारी मिळणार का? किंवा त्यांची राजकीय कारकीर्द नवा कलाटणी घेणार का? हे पाहणे महत्त्वाचे ठरेल.