कन्नड अभिनेता चेतन कुमारला बंगळुरु पोलिसांनी अटक केली आहे. वादग्रस्त वक्तव्यासाठी चेतन कुमार कायम चर्चेत असतो. वादग्रस्त ट्विट केल्याप्रकरणी चेतन कुमारला बंगळुरू पोलिसांनी अटक केली आहे. आपल्या ट्विटमध्ये चेतन कुमार यांनी हिंदू धर्माचे अस्तित्व खोटे असल्याचे म्हटले आहे.
सोमवार, २० मार्च रोजी चेतन कुमारने त्याच्या अधिकृत ट्विटर हँडलवर हिंदू धर्मासंदर्भात एक वादग्रस्त ट्विट केले. ट्विटमध्ये हिंदू धर्म हा धादांत खोटं पसरवणारा धर्म असल्याचं त्यांने म्हंटलं आहे. या ट्विटमध्ये चेतन कुमारने लिहिले की, “हिंदुत्व हे संपूर्ण खोटेपणावर आधारित आहे. सावरकर : राम रावणाचा पराभव करून अयोध्येत परतले तेव्हा भारतीय राष्ट्राची सुरुवात झाली – खोटं अशा अनेक गोष्टी त्याने लिहील्या आहेत.
याआधीसुद्धा चेतन कुमार अशा वादग्रस्त विधानांमुळे चर्चेत आलाय.‘कांतारा’ या चित्रपटातील ‘भूत कोला’ या परंपरेबद्दल एक विधान केले होते. त्या विधानावर आक्षेप नोंदवण्यात आला होता. एका हिंदू संघटनेने चेतनच्या विरोधात तक्रार दाखल केली होती.चेतनने ‘कांतारा’चा दिग्दर्शक ऋषभ शेट्टी यांच्या विधानावर एक प्रतिक्रिया दिली होती. त्यावर तो म्हणाला होता, भूत कोला ही परंपरा हिंदू धर्माचा भाग नाही. हिंदू धर्माच्या अस्तित्वात येण्यापूर्वी ती प्रथा सुरु होती. त्यामुळे ज्याप्रमाणे हिंदू भाषा ही कोणावर लादता येत नाही. त्याचप्रमाणे हिंदुत्वही कोणावर लादता येत नाही. भूत कोला ही देशातील मूळ रहिवाशांची परंपरा आहे. ती हिंदू धर्मात येणार नाही. आता या नव्या वादग्रस्त ट्वीटप्रकरणी चेतन कुमारवर काय कारवाई होते ते पहावे लागेल.