अभिनेत्री किरण खेर यांना कोरोनाची लागण झाली असून ट्विट करत चाहत्यांना याविषयीची माहिती दिली आहे. किरण खेर यांनी 20 मार्च रोजी ट्विटरवर आपल्या प्रकृतीबाबतची माहिती दिली. तसेच त्यांच्या संपर्कात आलेल्यांना कोरोना चाचणी करण्याचं आवाहन त्यांनी केलंय.
त्यांनी कोरोनाची लक्षणं दिसू लागल्यानंतर चाचणी केली. त्यांनी ही चाचणी पॉझिटिव्ह आल्यानंतर हे ट्विट केलं आहे. किरण खेर यांचे चाहते त्यांच्या प्रकृतीविषयी काळजी व्यक्त करत आहेत. अनेकांनी त्यावर कमेंट करत किरण यांच्या प्रकृतीसाठी प्रार्थना केली आहे.
I have tested positive for Covid. So anyone who has come in contact with me please get yourself tested.
— Kirron Kher (@KirronKherBJP) March 20, 2023
किरण खेर यांना 2021 मध्ये रक्ताचा कर्करोग झाला होता. या संदर्भात पती आणि अभिनेते अनुपम खेर आणि मुलगा सिकंदर खेर यांनी आता त्या निरोगी असल्याची अपडेट शेअर केली होती.कॅन्सरशी लढाई जिंकल्यानंतर किरण खेर ‘इंडियाज गॉट टॅलेंट’ या कार्यक्रमात जज म्हणून दिसल्या होत्या. अनेक चित्रपटातून त्यांनी आईची भूमिका केली असून त्यांच्यावर चाहते भरभरून प्रेम करतात.