मुंबई विद्यापीठाचा अचंबित करणारा वेग ! किरीट सोमय्यांच्या मुलाला अवघ्या १४ महिन्यांत PHD पदवी

भाजपचे फायटर नेते किरीट सोमय्या यांची राजकीय वर्तुळात नेहमीच चर्चा असते. सध्या किरीट सोमय्या यांचा मुलगा सुद्धा चर्चेत आलाय. फक्त चर्चा नाही चर तो वादात सापडलेला आहे. नील सोमय्याला मुंबई विद्यापीठाने अवघ्या १४ महिन्यांत पीएचडीची पदवी बहाल केली अशा चर्चा सगळीकडे रंगलेली आहे. नील सोमय्या यांना पीएचडीची पदवी प्रदान केली यात काही अयोग्य नाही पण मुंबई विद्यापीठाकडून जी तत्परता आणि वेग दाखविण्यात आलेला आहे तो सगळ्यांसाठी कुतूहलाचा विषय झालाय.

ऑगस्ट महिन्यात नील सोमय्या यांनी पीचडीसाठी आपला प्रबंध सादर केला होता. त्यानंतर नील सोमय्या यांना अवघ्या दीड महिन्यात तोंडी परीक्षेसाठी बोलवण्यात आलं, एवढच नाही तर दुसऱ्याच दिवशी मुंबई विद्यापीठाने नील सोमय्या यांना पीएचडी पदवी प्रदान केली. या सगळ्या प्रकाराची सोशल मीडियावर चांगलीच चर्चा रंगलेली आहे. नील सोमय्या यांना ‘एक्स्प्रेस’ वेगाने पीएचडी पदवी कशी देण्यात आली असा सवाल नेटकऱ्यांकडून विचारला जातोय.

नील सोमय्या यांच्या पीएचडी पदवी नोंदणी केल्याची तारीख जून २०२१ असून त्यांना पीएचडी पदवी प्रदान केल्याची तारीख १ ऑक्टोबर २०२२ आहे. त्यांनी २०१७ मध्ये डॉक्टरेटच्या अभ्यासक्रमासाठी सिडनहॅम महाविद्यालयातून नोंदणी केलेली होती. त्यानंतर नील सोमय्या यांनी केलेला अभ्यास प्रामुख्याने त्यांच्या अभ्यासाचा वेग थक्क करणारा होता. मुंबई महानगरपालिकेत नगरसेवक असलेल्या नील सोमय्या यांनी अवघ्या दीड वर्षांमध्ये पीएचडी पदवी कशी मिळवली असा प्रश्न सगळ्यांना पडलेला आहे. दरम्यान नील सोमय्या यांना पीएचडी पदवी देताना सर्व प्रक्रियांचे पालन करण्यात आले आहे फक्त मुंबई विद्यापीठाने कोणताही विलंब न लावता सर्व गोष्टी पार पाडल्या असे स्पष्टीकरण मुंबई विद्यापीठाकडून देण्यात आलेले आहे.