शिंदे गट आदित्य ठाकरे यांना मोठा धक्का देण्याच्या तयारीत आहे. वरळी हा शिवसेनेचा बालेकिल्ला मानला जातो. पण या बालेकिल्ल्यातच शिंदे गटाने आता धडक मारली आहे. वरळीतल्या अनेक सेना पदाधिकाऱ्यांनी काल मुख्यमंत्री एकनाथ शिंदे यांची भेट घेतली.वरळीतल्या सेना पदाधिकाऱ्यांची एकनाथ शिंदे यांच्याबरोबर बैठक पार पडली असून लवकरच ते शिंदे गटात प्रवेश करण्याची शक्यता आहे.
‘शिवसेना नेते सचिन अहिर यांनी मात्र हे वृत्त फेटाळून लावलं आहे. एकनाथ शिंदे यांची घेतलेल्यांपैकी एकही पदाधिकारी नाही. त्यामुळे मोठा धक्का बसलाय असं काही घडलेलं नाही असं सचिन अहिर यांनी म्हटलं आहे. या गोष्टीला फारसं महत्त्व देण्याची गरज नसल्याचं सचिन अहिर यांनी म्हटलंय.
वरळी मतदारसंघ हा शिवसेनेचा हक्काचा गड मानला जातो. शिवसेनेचे पक्षप्रमुख उद्धव ठाकरे यांचे चिरंजीव आदित्य ठाकरे यांच्याकडे या मतदारसंघाच्या प्रतिनिधीत्वाची धुरा सोपवण्यात आली आहे. पण, त्यांच्याच मतदार संघात मुख्यमंत्री एकनाथ शिंदे (CM Eknath Shinde) यांनी ग्रँड एन्ट्री घेतली आहे. ठाकरेंच्या हक्काच्या ठिकाणी मुख्यमंत्री एकनाथ शिंदे यांचे बॅनर्स झळकले आहेत.