Mouth Cancer Detection
Mouth Cancer : नागपूरच्या प्राध्यापक आणि विद्यार्थ्यांनी एक महत्वाचा शोध लावला आहे, जो वैद्यकीय क्षेत्रात क्रांती घडवू शकतो. हा शोध तोंडाच्या कर्करोगाच्या निदानासाठी १५ मिनिटांत शक्य होणार आहे, ज्यामुळे रुग्णांना योग्य वेळी उपचार मिळवता येणार आहेत. यामुळे Mouth Cancer रोगाचे निदान लवकर होईल, आणि रुग्णांचे जीवन वाचवता येईल.
कर्करोगाचा निदानातील आव्हान
काही वर्षांपासून कर्करोग, विशेषत: तोंडाचा कर्करोग, एक दुर्धर आजार बनला आहे. कर्करोगाची लक्षणे उशिरा दिसून येत असल्याने, निदान देखील उशिरा होतो. यामुळे रुग्णांना उपचारही उशिराने सुरू होतात, ज्यामुळे अनेक वेळा प्राण वाचवता येत नाहीत. याच कारणामुळे योग्यवेळी निदान करणं हे अत्यंत महत्वाचं आहे, आणि नागपूरच्या या शोधामुळे त्यात मोठा बदल होऊ शकतो.
हे तंत्रज्ञान कसं काम करतं?
नागपूरच्या एर्लीसाइन बायोटेक स्टार्टअपने तोंडाच्या कर्करोगाच्या सुरुवातीच्या लक्षणांनं ओळखण्यासाठी भारतातील पहिली लाळ-आधारित चाचणी विकसित केली आहे. या चाचणीमध्ये MMP2 आणि MMP9 हे बायोमार्कर्स वापरले जातात, जे कर्करोगाच्या निदानासाठी अत्यंत अचूक आणि वेदनारहित तंत्रज्ञान प्रदान करतात. यामुळे आता तोंडाच्या कर्करोगाचा निदान करणं शक्य होईल, आणि ते देखील अवघ्या १५ मिनिटांत.
या शोधाला अमेरिकन आणि भारतीय पेटंट देखील मिळाले आहेत. डॉ. बाबासाहेब आंबेडकर महाविद्यालयातील प्राध्यापक देवव्रत बेगडे आणि विद्यार्थी शुभेंद्रसिंग ठाकूर यांचा हा शोध कर्करोगाच्या निदानात एक मोठी क्रांती घडवू शकतो.
Cancer रुग्णांसाठी याचा काय फायदा होईल?
शुभेंद्रसिंग ठाकूर सांगतात, “आमची चाचणी MMP2 आणि MMP9 या बायोमार्कर्सवर आधारित आहे, जे तोंडाच्या कर्करोगाच्या सुरुवातीच्या लक्षणांना दर्शवतात. ही चाचणी नॉन-इनवेसिव्ह आणि परवडणारी आहे, आणि यामुळे लवकर निदान व लक्षणीय सुधारणा होईल. आमचा उद्देश म्हणजे तोंडाच्या कर्करोगाच्या रुग्णांची संख्या कमी करणे आणि रुग्णांचा जीव वाचवणे.
हा शोध कर्करोगाच्या निदानासाठी एक महत्वपूर्ण टर्निंग पॉइंट ठरू शकतो. तोंडाच्या कर्करोगाच्या लवकर निदानासाठी या तंत्रज्ञानामुळे जीवन वाचवण्याची संधी मिळेल. हे तंत्रज्ञान जगभरात प्रभावी ठरू शकते आणि कर्करोगाच्या उपचारांसाठी एक नवीन दिशा दर्शवू शकते.
