धोनीच्या टी-शर्टवरील मेसेजमुळे चर्चेला उधाण! IPL 2025 मधील शेवटचा सीझन?

IPL 2025 स्पर्धेचा थरार वाढत असताना, सर्वांचे लक्ष महेंद्रसिंह धोनी (MS Dhoni) कडे लागले आहे. चाहत्यांना सगळ्यात मोठा प्रश्न पडला आहे – “धोनी IPL मधून रिटायर होणार का?”. याच चर्चेला अधिक उधाण मिळाले ते धोनीच्या T-shirt वर असलेल्या गुप्त मेसेजमुळे!

IPL 2025: धोनी पुन्हा मैदानात पण शेवटचं वेळी?

22 मार्चपासून सुरू होणाऱ्या IPL 2025 मध्ये कोणता संघ बाजी मारणार? याची चर्चा वेगाने सुरू आहे. त्याचवेळी, Chennai Super Kings (CSK) संघाच्या माजी कर्णधार धोनीच्या भवितव्यावर प्रश्नचिन्ह निर्माण झाले आहे. मागील अनेक वर्षांपासून धोनीच्या निवृत्तीबद्दल (Retirement) वेगवेगळे अंदाज लावले जात आहेत, पण धोनी मात्र दरवर्षी नव्या उत्साहाने मैदानात उतरतो.

यावेळी मात्र परिस्थिती वेगळी आहे! चेन्नईमध्ये सराव शिबिराला हजेरी लावताना धोनीने ब्लॅक टी-शर्ट घातला होता आणि त्या टी-शर्टवरील मोर्स कोड (Morse Code) ने चाहत्यांचे लक्ष वेधून घेतले.

T-shirt वरील कोडचा अर्थ काय?

धोनीने घातलेल्या ब्लॅक टी-शर्टवर डॉट्स आणि डॅशसारखा एक कोड होता. मोर्स कोड हा लष्करी गुप्त संदेशांसाठी वापरला जातो, आणि धोनीचे भारतीय सैन्याबद्दलचे प्रेम सर्वश्रुत आहे. चाहत्यांनी या कोडला डिकोड (Decode) केले असता, त्याचा अर्थ निघाला –
“One Last Time” म्हणजे “शेवटचं एकदा”

याचा अर्थ धोनीचा हा IPL मधील शेवटचा सीझन असू शकतो!

CSK संघाची तयारी आणि धोनीची भूमिका

CSK (Chennai Super Kings) यावेळी नव्या नेतृत्वाखाली मैदानात उतरणार आहे. ऋतुराज गायकवाड (Ruturaj Gaikwad) याच्याकडे संघाची सूत्रं असतील, पण धोनी संघाचा प्रमुख भाग असणार आहे. चेन्नईत सराव शिबिरादरम्यान ऋतुराजने धोनीला खास गळाभेट देऊन स्वागत केले.

धोनीच्या टी-शर्टवरील मेसेजमुळे चाहत्यांमध्ये प्रचंड उत्सुकता वाढली आहे. IPL 2025 मध्ये तो शेवटचा खेळेल की नाही? याचे उत्तर वेळच देईल, पण चाहत्यांसाठी हा सीझन नक्कीच भावनिक ठरणार आहे!