मुंबईत शिवाजीपार्कवर म्हणजेच शिवतीर्थावर दसरा मेळावा कोणाचा होणार यावरून राजकारण तापलं आहे. या पार्श्वभूमीवर शिवसेना पक्षप्रमुख उद्धव ठाकरे यांनी आज पदाधिकाऱ्यांची बैठक घेत दसरा मेळाव्यासाठी शंखनाद केलाय.शिवतीर्थावर दसरा मेळावा आपलाच होणार आहे. यासाठी तातडीने कामाला लागा, अशा थेट सूचना उद्धव ठाकरे यांनी बैठकीत दिल्यात.शिवतीर्थावर दसरा मेळावा शिवसेनेचाच होणार आहे. यामुळे मनात कोणताही संभ्रम ठेवू नका. महिला आघाडी, युवा सेना, शिवसैनिकांनासोबत घ्या, असे आदेश उद्धव ठाकरे यांनी दिलेत.
शिवतीर्थावर मोठ्या प्रमाणात गर्दी जमवण्याचे आदेशही उद्धव ठाकरे यांनी विभाग प्रमुख, उपविभाग प्रमुख आणि सर्व पदाधिकाऱ्यांना दिलेत. उद्धव ठाकरे यांनी बैठकीत शिवसेनेतून फुटलेल्या नेत्यांवरही निशाणा साधला. शिवसेना फोडण्याआधी इतिहास जाणून घ्यावा. फुटलेले सर्व नेते तोतया आहेत. जनता त्यांना त्यांचा मार्ग दाखवेल. असा हल्लाबोल उद्धव ठाकरे यांनी केला.